هل من عشاق لحلوة ريشبوند بجوج شكال بمذاق الليمون والشكلاط 😊 بدون زبدة
المقادير :
3 بيضات كبار
كاس السنيدة
كاس الزيت
قبصة الملح
قشور ليمون وشوية من الروح الليمون
كنخلط الكل جيدا حتى كتنساجم العناصر
كنظيف الدقيق والخمارة قبل ما نجمع العجين مزيان بالدقيق كنقسم العجين لنصفين وحدة كنزيد ليها الدقيق حتى كتجمع وبلا ما نقصحها هكا باش تجي هشيشة كنشكلها كريات لي يكونو متوسطين وندخلها للفران لي مسخن من قبل العافية غير التحت حتى كتحمر وكنشعل الفوق تذهب ونخرجها
اما بالنسبة للعجين الاخر لي احتفظت بيه كنظيف ليه معلقة كبيرة الكاكاو وكنجمع العجين الا لقيتها مزال خاص الدقيق كنظيفو بالتدريج وحتى هي كنشكلها كرات وكندخلها طيب وكنخرجها
نخليهم يبردو وكناخد كاس عصير الليمون مع نص قرعة كونفتير المشماش القاصح ماشي الجاري وكنديرهم فكاسرول وكنشعل عليهم البوطة عافية مهيلة حتى يبدا الخليط يغلي ونطفي عليه كنصفيه مزيان ونحط فيه الحلوى البيضاء هي الاولى ما حد الكونفتير سخون نخليها شوية ونهزها نستقطرها مزيان وندوزها فالكوك
وبالنسبة للحلوى لي بالكاكاو حتى هي كنديرها فكونفتير سخون هكا باش تشرب ليا ونخليها شوية ونهزها تستقطرها ونحطها فالكوك لي ظفت ليه الكاكاو درتو فميكة وبقيت كنحك فيه حتى خدا اللون لي بغيت وبقيت كندوز فيه الحلوى
وها هما جوج شكال مختالفين دريشبوند جاهزين وراقين فنفس الوقت وبالصحة والراحة
