كلاص بالكريمة السائلة
مقادير كلاص بالكريمة السائلة :
1 لتر كريمة سائلة
علبة حليب مركز محلى(نيستلي)
4 ملاعق كبيرة حليب بودرة (نيدو)
نكهة الفريز🍓
نكهة الفستق(البيسطاش)
ملون احمر و اخضر
كخفقو الكريمة السائلة تكون باردة مزيان ملي كتبدى تعقد كنزيدلا الحليب المركز المحلى و الحليب بودرة وكنزيد نخفق حتى كتعقد مزيان
كنغلف القالب بالبلاستيك الغذائي وكنهز شوية د كريمة القدر الي عيكفانا باش ندهنو القالب بطبقة تقريبا يكون فيها واحد سنتيم كنزيد عليها قطيرات نكهة الفستق و قطيرات ملون اخضر وكنخلط مزيان حتى تندمج مزيان وكنذهن القالب بطبقة رقيقة تقريبا واحد سنتيم وكندخلى نالمجمد حتى تتجمد
وندهن طبقة ثانية فيها واحد سنتيم تقريبا وندخلى نالمجمد حتى تتجمد
والكريمة الي بقات كنزيد عليها قطيرات ملون احمر وقطيرات د نكهة الفريز 🍓 وكنخلط مزيان حتى كتندمج مزيان من بعد كنعملا شوية د حبيبات الشكلاط وكنعملا في القالب وكنغطيها بالبلاستيك الغذائي وكندخلى نالمجمد حتى تتجمد
و تقلب في طبق التقديم.ممكن تزيدو السكر كلاصي للكريمة اذا كانت مسوسة
