اللحم بالبرقوق ديال المناسبات ، المذاق و التعليكة و بطريقة جد ساهلة 👌
المقادير ديال جلسة وحدة لعشرة اشخاص :
4 كيلو لحم خروف قطع متساوية
2 بصلات حجم متوسط مقطعة رقيق
فصين ثوم مفروم
القليل من القزبور و المعدنوس على شكل باقة ( مربط)
ملعقة صغيرة فلفل اسود، ملعقتين سكينجبير، ملعقتين خرقوم، نصف ملعقة توابل المروزية( اختياري )القليل من الزعفران شعرة او ملون غدائي، ملح ، ملعقة صغيرة سمن ، نصف كأس مزيج زيت زيتون وزيت المائدة، عود قرفة ، ملعقتين من العسل .
لتحضير البرقوق :
نصف كيلو برقوق نوع جيد مغسول جيدا
كمية من الماء، القليل من الزيت، قرفة بودرة ، و سكر
نخليوه فوق النار حتى اطيب و يتعسل.
في طنجرة نحطو التوابل كاملة مع الثوم و القليل من الماء نتبلو قطع اللحم جيدا و نخليوهوم من ساعة لساعتين على الأكثر نضيفو الزيت و البصل و باقة الربيع و نقليو اللحم من الجهتين ( عود القرفة نحطوه فقعر الطنجرة ) نضيفو كأس ماء ساخن و نغلفو الطنجرة بورق الألمنيوم و نخليوها طيب على نار هادئة مدة ساعتين، ملي اطيب اللحم نضيفو ملعقتين من العسل و نجهدو فالعافية باش تتعلك المريقة.
نزينو بالبرقوق و اللوز المقلي ( اختياري ) ونقدموه بالصحة والراحة
