مقادير فقاص عاشوراء :
7 كؤوس الدقيق
نصف كأس زيت الزيتون
4 قطع جبن مثلث
2معالق ك الزبدة
علبة ياغورت طبيعي
ملعقة ك موطارد/خردل
ملعقة ك بودرة ثوم
ملعقة ص الزعتر
ملعقة ص ملح
نصف ملعقة ص إبزار
الماء حسب العجين
طريقة تحضير فقاص عاشوراء :
في قصرية أو إناء كنغربلو الدقيق كنزيدو الزبدة، ملح، إبزار، بودرة ثوم،جبن مثلث،الزعتر، زيت الزيتون، ونخلط جيدا حتى تتجانس جميع المكونات، ثم نضيف موطارد ، ياغورت، أنخلطو كلشي مزيان، من بعد نزيدو الماء أنا حتاجيت كأس من الماء، وكيبقى الماء حسب نوعية الدقيق،نعجن جيدا حتى نحصل على عجين متجانس (ملاحظة العجينة لا تحتاج الدلك فقط نجمعوها مزيان كتكون بحال العجينة ديال صابلي تقريبا).
نقسمو العجين على أربع قطع، كل قطعة نكهوها بلي تفضلو
أنا أول قطعة ضيف ليها فرماج أحمر محكوك، مع الزعتر، وضعتها في بلاستيك غذائي
ثاني قطعة ضفت ليها فلفل حار، مع القليل من التحميرة (ممكن ضيفو الفرماج أحمر محكوك في كل قطعة )
ثالث قطعة نكهتها بالزيتون أسود مطحون
القطعةالأخيرة ضفت ليها الزرارع . بالنسبة النكهات فقط إقتراح ممكن تضيفو لي كتفضلو .
من بعد كناخذو ورق الزبدة، و نسرحو عليها القطعة الاولى بالدلاك مزيان، حتى كتولي رقيقة ، و نشكلوها بالشكل لي بغيتو
مربعات صغيرة، أو مثلثات، أو أصابع رقيقة،لي كتفضلو 😍
والتزيين كذلك حسب الرغبة، أنا زينت بالزرارع ، اللوز، فرماج أحمر محكوك، وتقدرو تخلوهم غير هاكاك كيجيو مقرمشين و لذاذ بزاااف 😋
