السلام عليكم و رحمة الله و بركاته
موقع بسمة لكل ما يهم المرأة المغربية يقدم خبيزات فنين ورطيطبين و مفشفشين
خبيزات فنين ورطيطبين و مفشفشين
من الاخت دعاء القلوب جزاها الله عنا كل خير
نصف كيلو فورص اوسميدة رقيقة على حسب الرغبة انا عملت هنا غي الفورص
شوية الملح 2 معالق كبار سنيدة 6 معالق كبار زيت 2 معالق كبار حليب غبرة
معلقة كبيرة خميرة الخبز 2 خمارات الحلوة والماء الكافي للخليط
تنعمل الطحين والملح وسنيدة والخميرة والخمارات والزيت نخلطهم مزيان
نزيد الماء تديريجيا ونخلي الخليط شوية خفيف وتيتلصق فاليدين
نعرك العجين مزيان ونغطيه ونخليه يخمر حت يتضاعف الحجم ديالو
هاهو ملي خمر
قسمتوا على 4 خبيزات
سرحتهم مزيان
شرطتوا مربعات وخليتوا يخمر للمرة التانية
ملي خمر وجدت اصفر بيضة مطربة مع شوية الحليب وشوية الحبة السوداء وشوية الزنجلان
دهنتوا مزيان باصفر البيض وزوقتوا بالحبة السوداء والزنجلان
دخلتوا للفرن ساخن من قبل وخليتوا يطيب على عافية متوسطة وها خبيزاتنا وجدوا بالصحة والراحة
هاهو من الداخل
نصيحة حبيباتي ملي يخمر الخبز وتبغيو دهنوه عاودوا تبعوا نفش التشريطات لي عملتوا باش يجيو باينين وملي يطيب دهنوه بشوية العسل الا بغيتوا انا هنا دهنتوا تيجي بنين والوليدات تيعجبهم للفطور
