السلام عليكم و رحمة الله و بركاته
موقع بسمة لكل ما يهم المرأة المغربية يقدم طريقة تحضير البايلا
طريقة تحضير البايلا
من الاخت ام هنية و منصف
نبداو على بركة الله:
مقادير تحضير البايلا
نصف كيلو روز كلاصي
نصف كيلو فواكه البحر
2 فلفلات كبار مقطعين مربعات صغيرة
بصلة مشلضة
كأس جلبانة
شوية صلصة
زيت الزيتون
كنور ، ملح ، إبزار ، تحميرة ، ملون غدائي ,3 ضروس ثوم
شرائح سمك أبيض وقطع السوريمي أنا نسيت مصورتهمش
طريقة تحضير البايلا
كناخدو شي إناء لي يقدر يدخل للفرن كنديرو فيه شوية زيت ثم البصلة و نخلوها تتقلى شوية ثم نضيفو الفلفل و نخلوهم يتقلاو ثم العطرية و الثوم و كنور ثم فواكه البحر نخلوهم يتشحرو مزيان ثم نضيفو جلبانة و الروز و شي نصف كأس من صلصة الطماطم أو ملعقة ك مطيشة الحك محلولة في شوية الماء ثم نضيف الروز ونحرك جيدا ثم نديرو الماء ( كل كأس روز كندير ليه 2 كيسان ماء ) ونخلوه يغلى عاد ندخلوه الفرن لي سخناه من قبل نخلوه حتى ينشف من الماء وندوقو الروز إلى كان مزال خاصو الطياب نزيدو شوية الماء غليان ملي إيطيب الروز ديالنا نضيفو ليه شرائح السمك و السوريمي ونرجعوه للفرن واحد 5 دقائق بينما طاب السمك لي درنا ثم نخرجوه من الفرن ونزينوه بقطع الفلفل لي قليناها نخليكم مع الصور :
