السلام عليكم و رحمة الله و بركاته
موقع بسمة لكل ما يهم المرأة المغربية يقدم دجاج معسل و معمر باللوز و مزين بالتمر
دجاج معسل و معمر باللوز و مزين بالتمر
مقادير دجاج معسل و معمر باللوز بطريقة راقية
لتحضير الدجاج
2 بصلات كبار
ملح، ابزار، خرقوم، سكنجبير، عواد قرفة، سمن، زعفران
3 معالق كبار زيت
لحشو الدجاج
2معالق كبار تمر مقطع 2 معالق كبار لوز مسلوق ومطحون
ملعقة كبيرة زبدة
قرفة، شوية مسكة حرة مدقوقة، شوية ملح
سنيدة حسب الدوق
طريقة تحضير دجاج معسل و معمر باللوز بطريقة راقية
نخلطو مقادير الحشو كاملة في مقلاة ونخليوهم يتشحرو شوية باش يتجمع الخليط ونعمرو به الدجاج ونخيطوه ونربطوه مزيان
ناخدو طنجرة فاش غادي يطيب الدجاج نقطعو البصلة كيفما بغينا ونضيفو التوابل كاملة ونحطو فيها الدجاجة ونخليو كلشي يتشحر
ملي يتقلاو مزيان نضيفو كاس ديال الماء مرطبين فيه الزعفران شعرة وسدو ونخليوه يطيب على عافية مهيلة
من بعد ماطاب نحيدو الدجاج ونخليو البصلة تحمر مزيان ونزيدو ليها العسل الحر الى كان أو العادي ولا سكر حسب الدوق
وفاش تدغمر نرجعو الدجاجة باش تشرب دغميرة وتسخن
وتزيين بالتمر واللوز مقلي او حسب الدوق
وبالصحة والراحة
