السلام عليكم و رحمة الله و بركاته
موقع بسمة لكل ما يهم المرأة العربية يقدم ماضلين لمناسبات الاطفال
ماضلين لمناسبات الاطفال
مقادير و طريقة تحضير ماضلين لمناسبات الاطفال
موضوع للاخت : charou9a جزاها الله عنا كل خير
مقاديرماضلين لمناسبات الاطفال
4 بيضات
كاس ونصف سنيدة “كأس عنبة”
كاس زيت “كاس عنية”
2 فاني
3 خمارات ديال الحلوى
قبسة ملح
5 معالق كبار خل
دانون فاني
كاس عنبة كوك
كاكاو حسب اللون اللي بغيتو يكون الكيك
وأخيرا دقيق حسب الخليط
طريقة تحضير ماضلين لمناسبات الاطفال
بالنسبة للخليط راه كيجي قاصح شوية على خليط الكيك العادي
وبالنسبة اللي بغاو يحضروه فمولينيكس : كنبقاو نزيدو فالدقيق حتى مكتبقاش تبان الدورة ديال الخلط
الكريمة
انا استعملت ربع لتر حليب يكوون بااارد مزيااان باش تطلع لينا الكريم
كريم موس فاني ديال ايديال
فيرميسال شكلاط ملون
سويتيز ملون
وكرات الشكلاط
الطريقة ديال الماضلين
خلطت الكل كيف العادة واخر مرحلة هي الدقيق والخمارات
شديت المول ديال ماضلين ودرت فيه كويغطات ديال ماضلين وسكبت الخليط تقريبا النصف فكل مول حيت كيتنفخو
وانا زدت فالخليط حبات ديال شكلاط كوكيز دوزتهم فالقلييل من الطحين ولحتهم فالمول باش ميهبطوش للقاع
دخلتهم الفرن تمامااا مثل طياب الكيك غير هوما دغيا كيطيبو ردو معاهم البال
ندوزو دابا للكريم ديال ماضلين
طلعت الكريم مع الحليب
قسمته على 3 اقسام
جزء لونته بملون غذائي اصفر والثاني وردي والثالث خلطت معاه الكاكاو باش يولي اسود
مللي طابو الماضلين نخليوهم حتا يبردو باش متسيحش لينا الكريم مللي نزينزهم
وحتى الكريم اذا وجدناه من قبل نديروه فالثلاجة وحتا نبغيو نستعملوه عاد نخرجوه باش يبقى شاد راصو
كنشدو مادلين ديالنا ونديرو فوق منهم الكريم ونزينزهم بالشكلاط و سويتييز او اللي متوفر عندك
وهاهوما واجديييين وبالهناء والشفاء
