السلام عليكم و رحمة الله و بركاته
موقع بسمة لكل ما يهم المرأة العربية يقدم طريقة تحضير المورتديلا في البيت بالصور
مقادير و طريقة تحضير المورتديلا
موضوع للاخت نينا جزاها الله عنا كل خير
السلام عليكم و رحمة الله أنيقاتي كيف عاملين؟ لاباس ؟ نتمنى تكونو جميع في أحسن الأحوال
اليوم و للمعزة ديالكم جبت ليكم مورتديلا وااااش من مورديلا ما غاديش تبقاو تستغناو عليها ولا تفكرو تشريوا من الزنقة، حيث هادي كلها صحية و طبيعية 100/100
ندوزو دابا للمقادير غادي نحتاجو
300غ صدر بيبي أو دجاج أنتما و اللي حبيتو،
3 بيضات،
2 دروس ديال الثوم،
ملح، إبزار،سكين جبير، تحميرة، و شوية ديال القزبور يابس مطحون جهد ملعقة صغيرة ، و هذا الأخير مهم في الوصفة حيث تيعطي مذاق بنين، شوية ديال الخرقوم،
½ كأس زيت، 5 معالق كبيرة سميدة رقيقة
طريقة تحضير المورتديلا
غادي طنو لحم الدجاج أو بيبي في الطحانة مزيا حتى يرطاب و تزيدو باقي المقادير و تخلطو مزيان ، غادي تحصلو على عجين متماسك شوية ن و باقي المراحل موضحة بالصور
و بالصحة و الراحة،
وشي دعيوات ديال الخير حبيباتي
