السلام عليكم و رحمة الله و بركاته
موقع بسمة لكل ما يهم المرأة العربية يقدم طارط كواخادا بدون فرن
طارط كواخادا بدون فرن
مقادير و طريقة تحضير طارط كواخادا بدون فرن
طارط كواخادا بدون فرن من الاخت ام اسامة و ايمان جزاها الله عنا كل خير
مقادير طارط كواخادا بدون فرن
غادي نحتاجو
ليتر كريم فريش
نيستلي مركز و محلى
ليتر حليب
علبة كواخادا
زوج علب بسكوي أنا كنعمل ماريا وانتوما شوفو لي يناسبكم
شوية د الحليب لي نجمع بيه البيسكوي
طريقة تحضير طارط كواخادا بدون فرن
نطحن البيسكوي ونخلط معاه شوية د الحليب حتى يتجمع ونعملو في مول كيتحل من الجناب منين نكون كنمدو فالمول ممكن نفزك يدي بشوية د الحليب
حيت كتكون كتلصق وندخلها للمجمد على مانوجد الخليط
نعمل الحليب في طنجرة ونخوي عليه 4 خنيشات لي كيجيو فكواخادا ونحرك مزيان
نضيف الحليب المركز مع التحريك المستمر
ثم الكريم فريش
غير نتأكد أن كل الخليط امتزج مزيان نعملو على العافية مع التحريك المستمر حتى يبدى يغلي
نفرغ الخليط فوق مغروفة الحريرة ومنها ينزل للبيسكوي
ونخليها تبرد شوية وندخلها للثلاجة كتاخد من 2 ل 3 سعات باش تبرد مزيان
تزين حسب الرغبة ممكن تقدميها بعد الأكل كتجي رااائعة جدا
الكواخادا غادي يلقاوها ناس لي فالشمال فالاسواق حيت هي كاتجي من اسبانيا و بالنسبة للناس لي ملقاوهاش ممكن اعوضوها
ب
مستحضر الرايب موجود في الاسواق الممتازة
