السلام عليكم و رحمة الله و بركاته
موقع بسمة لكل ما يهم المرأة العربية يقدم نصائح مطبخية لك سيدتي
نصائح مطبخية لك سيدتي
=================
باش تصبر ليك الحلوى مدة طويلة خارج التلاجة او الفريكو ما عليك غير تستفيها فعلبة تكوني عملت فيها بلاستيكة بيضاء تم عقدي الميكة وغطي العلبة بالغطاء ديالها.كتبقى مدة طويلة مزيانة ومكرملة.وتجنبي توضعي اكتر من نوع داخل نفس العلبة باش ما تخلطش المداقات
بالنسبة للحلويات لي كيكون عليها تزيين سواء بالمربى او الشكلاط او فواكه جافة او ناباج منين تبغي تخزنيها عملي قطعة بلاستيك بين كل طبقة وطبقة باش تبقى الحلوى محافظة على شكلها وديكورها الجميل
دائما شري علب بيضاء ديال الكارطون الخاصة بالحلوى باحجام مختلفة وطبيسلات و مناديل ورقية وخليها عندك راه كتنفع بزاف الى بغيت تدي الحلوى هدية لشي حد او تديها معاك لشي خرجة او دوقي شي حد
-باش الشطلاط الاسود يجيك كيلمع فالتزيين او الكلاساج حكيه فالحكاكة وعملي النصف يدوب فحمام مريم بحال العادة منين يدوب تماما زوليه من النار عاد زيدي باقي الشكلاط وحركي غادي يدوب بسرعة ويجيك لامع وكيبري وعن تجربة
باش يتخلط ليك بياض البيض لي طالع على شكل تلج فالحلوى خودي الخليط ديالك وزيدي ليه تلت بياض البيض وحركي عادي حتى ينسجم ويخفاف عاد زيدي التلتين الباقيين وحركي من اسفل لاعلى غادي يتخلط ليك بسهولة بخلاف الى صبيتيه كلو فمرة وحدة كيجي صعيب فالتخلاط وكيطلب وقت كتير وما كيبقاش الخليط مهوي لانه تخدم بزاف
باش تجيك الكيكة ناجحة طالعة خاص كل المكونات تكون واخدة درجة حرارة المطبخ والى كان الفران سخون دخلي المكونات فيه من سكر وزيت ودقيق و……تم صايبي بيها الكيكة وشوفي كيف غتجيك كتحمق حيت عدو الكيك هو البرودة والى كانت المكونات دافية كيجي رووووووووعة
