السلام عليكم و رحمة الله و بركاته
موقع بمة لكل ا يهم المرأة العربية يقدم طريقة تجميد الحلبانة بالصور للاحتفاظ بها و بحلاوتها لأطول مدة ممكنة
هذه الطريقة من الاخت
nadoria2010
الله يجازيها عنا كل خير
اليوم اخواتي غادي نوريكم طريقتي باش كا نحفظ الجلبانة وكتبقى لي المدة لي بغيت والاهم انها كتبقى
محافظة على مذاقها وحلاوتها ولونها ونهار كا تجبدوها بحال يلاه شريتوها ما فيها لا ريحة لا والو
وانا متاكدة الى جربتو هاد الطريقة غادي تعتمدوها وتدعيو لي هههههه اما الطريقة غادي توظحها الصور
ولاي استفسار انا هنا رهن الاشارة
اولا كنقيو الجلبانة ديالنا ونغسلوها
نديرو الما فطنجرة ونخليوه يطيب حتى يوصل للغليان ونرميو فيه الجلبانة ديالنا
فاش كنرميوها كنلاحضو الما بحال برد نخليوها حتى تغلى وبمجرد ما دوز عليها الغلية الاولى نحيدوها
حيت ما خصهاش طيب
كنخليوها فشبكة حتى تبرد مزيااان وهنا كناكد خاصها تبرد مزيان
من بعد ما بردات
كنعمرو الجلبانة ديالنا فميكات وكنسدوهم بهاد الطريقة الى كانت هاد الالة متوفرة الى ما كانتش نكتفيو اننا نسدو الميكة مزيان وما نخليوش فيها الهواء
وها النتيجة النهائية
وندخلوها للمجمد
نتمنى تجربوها وتردو عليا الخبار ان شاء اللة المرة الجاية نوريكم الطريقة ديال الفول
