السلام عليكم و رحمة الله و بركاته
موقع بسمة لكل ما يهم المرأة العربية يقدم موضوع يتعلق بفن تحضير مائدة الفطور في الشهر الكريم
كوني انيقة في تحضير مائدة فطورك
للاسف اغلب النساء يهملن هذا الجانب كتلقى المرأة نهار كلو و هي فالكوزينة كتحضر الشهيوات و فالاخير ملي تجي تحط داكشي فوق المائدة كتلقى داكشي مربج حيت الاواني زوينين مخزونين للضياف و السرابت حتى هما كتخاف سيدة ليتوسخو و تبقا تصبن فيهم
ًٌٌٌَُُأأأأأأ ختي ملي نتي خايف عليهم ليتوسخو علاش دايراهم اصلا
فحين ممكن تلقى سيدة اخرى موجدا داكشي عاااادي و لكي طريقة باش مقادة مائدة و كيفاش مقدمة داكشي تخليك تشها تاكل وخا مفيكش جوع
كاينين لي غادي يقولولي الله يرزق غير الصحة و السلامة راه لي تحطات غادي تكال و براكة من زواقات الخاويين
و راه مكاينش شي واحد غريب حتى يجيو ضياف و ديك ساعة احن الله
ااااختي الله يهديك واش داك راجل و دوك لوليدات مكبرة فيهم طبيسلات زوينين و سريبتات نقيين راه هما لوليين عاد شوفي ضياف
و زعما غير غادي يجيو ضياف غادي اطيح عليك الالهام و غادي تعرفي تنظمي و تقدمي الاكل بطريقة زوينة
ألا اختي راه حتى تقديم الاكل فن يتقنه البعض و البعض الاخر خااااااصو يتعلم
اذا تعلمي و نتى فداركم اولا و نتي مع راجلك و وليداتك
و كوني راقيا قدام نفسك اولا و قدام راجلك و وليداتك و حاولي اي حاجة تبدعي فيها و تبتاكري كيفما كتبحثي على الشهيوات بحثي حتى على دوك سرابت لي مغبراهم فالبلاكارات راه غادي اغملو و ديري ليهم شي طوية زوينة و جبدي دوك تبيسلات متخافيش على حسابي راه مغديش اتهرسو
انتظر ارائكن في الموضوع
