جديد الحلويات المغربية بمناسبة عيد الاضحى المبارك- اشكال جديدة و مختلفة

عجين كعب غزال المعروف

حنا كنعملو الاتي:

راس ملعقة صغيرة ملح
قبصة مسكة حرة
ملعقة عسل

ماء الزهر لجمع العجين

و مقادير العقدة:

رشة مسكة حرة
ملعقة روح اللوز الحلو
رشة قرفة او رشة زيست الليمون

ماء الزهر لجمع العجين

مقادير التزيين:
ملونات غذائية
بريون متعدد الالوان
عسل + ماء الزهر للتلميع

طريقة جديد الحلويات:

اولا بالنسبة لعجين اللف (عجين الكعبة)

كنخلطو كل النواشف

الدقيق + راس ملعقة صغيرة ملح+ قبصة مسكة حرة مدقوقة مزيان منيلة
ثم كنضيفو الزبدة المذابة و زيت + ملعقة عسل
و كنرملو العجين كيف كنعملو مع العجين المرمل پات بريزي
بعد ميترمل العجين و يتبسبس مزيان
كنضيفو ماء الزهر حتى تجمع العجينة و نحصلو على عجين متماسك لين قابل للمط اي كيتجبد

نقصموه كويرات حسسب الحاجة و نلونو كل كرة حسب الرغبة او نحليوها عادية
ن نعملوها فبلاستيك غذائي و نخليوها ترتاح 15 دقيقة على جنب

و ندوزو نوجدو العقدة

كناخذو اللوز بودرة(مسلوق و منقي و منشف و مطحون بدورة)
كنطحنوه مع السكر حتى يتعجن و نضيفو ليه 2 بياض البيض
و ملعقتين كبيرة عسل ليمون + رشة مسكة حرة مدقوقة و منيلة
+ملعقة روح اللوز الحلو + رشة قرفة او رشة زيست الليمون

ثم نضيفو الزبدة حسب تزيات اللوز و نعجنو الكل بقليل من ماء الزهر حسب حاجة العجين للسائل
حتى نحصلو على عجينة متماسكة و طيعة لينة سهلة التشكيل

نخليوها ترتاح و تتشرب 15 دقيقة
و نجهزو الدوات العمل (المراشم الطوابع …)
و نبداو العمل حسب جود مخيلتنا

نمدو العجين رقيق بالدلاك او بآلة المعجنات 2 الى 1،5 ميليميترات لا اكثر
و نشكلوها بعجينة اللوز و نغلفوها بيها حسب الشكل للي بغينا

بعد منكملو تشكيل كل الحلويات
لابد نخليوها ترتاح على الاقل 4 ساعات (هذا سر نجاح حلويات اللوز)
ثم نخبزوها ففرن مسبق التسخين على درجة حرارة 150 إلى 180 حسب سخونة فرنكم
مدة بين 15 و 20 دقيقة و ردو معاها البال و هي فالفرن
خصها تذهب من التحت فقط و الفو يبا محافظ على لونو الطبيعي
يعني طيب بلا متتحمر

ملي تقرب تخرج من الفرن

جهزو العسل الملمع
كنذوبو العسل فقليل من ماء الزهر