شهيوات ميمونة ام اروى
دجاج في الفرن معمربالروز
دجاجة متوسطة متكونش كبيرة باش فسع طيب تكون مغسولة مزيان رقدوها فالماء والملح والخل وتغسل وتقطر مزيان من الماء
وديرو الشرمولة (زيت الزيتون .قزبر .معدنوس. ثوم بالزايد. ملح خرقوم.ابزار .تحميرة .كمون. راس معلقة ص سمن)
تاخدو الدجاجة تقبوها مزيان بالموس ودخلو فيها الشرمولة مزيان وخليو شوي من شرمولة ديرو فيها الروز اكون طايب من قبل زيدو عليها شوي زيتون مقطع تقدرو ديرو كبادي دجاج مسلوقين أو فلفل ألوان حسب الرغبة
وعمرو بيها الدجاجة
خودو شي طاوة دهنوها بالزيت فرشو فيها بصل دوائر ومطيشة دوائر حطو الدجاجة وديرو بطاطا مع الجناب بحال الصور رشو عليها شوي زيت ملح زعيترة و أزير
غطيو الطاوة بورق الزبدة وورق ألمنيوم دخلوها للفران شعلو عليها التحت واحد نص ساعة بيما سخنات الطاوة وشعلو عليها النار الفوق متحلوش عليها دوز واحد ساعة ونص او أكثر وشوفو الى طابت دهنو الدجاجة بالزبدة وحمرو الوجه بالصحة
