كيكة المقلة بالصور
مقادير كيكة المقلة
كيكة الملقلة بمكونات بسيطة ولا أسهل و المداق رااائع جربوها و ردو علي الخبار
بالنسبة للكيك فيه :
* 3 بيضات + 7غ فاني + ملعقة كبيرة خميرة الحلويات + 1 فلان شوكولا بالسكر ( ايلا ماتوفرش الكبير لي فيه السكر نديرو الصغير و نضيفو نصف كأس سكر ) +كأس زيت + كأس حليب + ملعقة صغيرة خل + قبصة ملح ثم نضيفو الدقيق الأبيض من نوعية جيدة حتى نحصلو على القوام ديال الكيك
ملي نخلطو الكيك نقسموه على 3 كميات متساوية
و نبداو نطيبو في مقلاة ما قاتلصقش القطر ديالها بين 20 حتال 25 سنتيمتر من بعدما كندهنوها فقط بالزيت على نار مهيلة و نغطيو المقلاة أثناء الطهي
ملي نطيبو الكيك ديالنا نوجدو السيرو باش غانسقيوه
انا خديت 3 ملاعق كبيرة مربى ( النكهة لي كتفضلو ) و طحنتهم بالمكسور مع كأس ماء و غليتو و سقيت بيه و نبداو نديرو طبقة كيك طبقة كريمة و التزيين على حسب الدوق
الكريمة
ستعملت كيسين من مستحضر الشانتيي مع كأسين حليب بااارد و كيسين كاكاو
من الفوق كبيت كناش ديال الشوكولا و لي استعملت فيها
نصف كأس كريمة سائلة مع كأس شوكولا حبيبات
درت الكريمة السائلة في كاسرول على درجة حرارة مهيلة حتى سخنات مزيان و قبل ما تغلي زدت عليها الشوكولا و حركت مزيان
و درتها من الفوق
و بالصحة والراحة حبيباتي نتمنى تعجبكم الوصفة
بالصحة والعافية
وأي طلب أنا في الخدمة
عافاك ممكن حريشات فرديين وشكراً
وصفات ناجحة شكرا شكرا شكرا
لله يعطيك الصحة ماشاء الله عليك