✅كيكة الطبقات الملونة
.
📝📝المقادير
4بيضات
كاس عنبة سكر 100غ
كاس عنبة زيت 150 غ
كاس عنبة حليب150 غ
2 لفاني
رشة ملح
3ملاعيق كاكاو
1خميرة الحلوى 15غ
3 كيسان دقيق
لتزين
80غ شكلاط أسود
5ملاعيق ماء بارد
طريقة تحضير كيكة الطبقات الملونة :
في اناء نخلط البيض،رشة ملح،سكر و فاني جيدا حتى يطلع ويتكاثف حجم البيض نضيف الزيت والحليب منخلطوش بزاف باش ميطحش لينا البيض نضيف الدقيق والخميرة ونقسمو الخليط الى نصفين واحد نضيفلو ليه كاكاو ونخلط مزيان ادى حسينا بيه تقال نضيف ليه لحليب،
واحد نخلوه ابيض من بعد نقسموهم الى 4 أجزاء ونسخنو الفرن 180 درجة من تحت و الفوق
ندهن المول ندرو طبقة الأولى بالكاكاو ونطيبوها 7دقائق ونخرجوها نخوو فوق منها الطبقة الثانية نطفو الفرن من التحت ونخلو الفرن مشعول غير من من الفوق وندخلوها الفرن 7 دقائق واخر طبقة هي ديال فاني.
ندوبو الشكلاط نحيدوه من بانيو ماريا نضيف 4 او 5 ملاعيق من الما نحرككو مزيان حتى نحصلو على القوام لبغينا بحال كناش ونخووه فوق الكيكة ونخلوها تبرد مزيان .كتجي رطبة فحال سقتها بشي سيرو او هي ممسقياش.
