دجاج فالفرن رافقتو مع الكرعة الحمرا معسلة
بالنسبة للكرعة الحمرا كناخد كمية لا بأس بيها لانه مين كتطيب كتنقص الكمية نغسلها ونقشروه ونقطع مكعبات ونعملو اتفور متسلقوهاش والا غيجي فيها الماء مع عود قرفة مدة نصف ساعة
من بعد نوضعو في مقلاة على نار مجهدة باش مطلقش الماء نضيف ملعقة كبيرة زبدة.2ملاعق كبار عسل.نصف ملعقة قرفة.نصف ملعقة خرقوم بلدي. ملح.قبصة من الزعفران الحر ونخليه تتعسل مع التحريك المستمر حتى تنشف من الماء
بالنسبة الدجاج كناخد قطع الدجاج نضعها في إناء نضيف حبة بصل كبيرة مبشورة.2ملاعق كيتشوب .ملح.ابزار.كاس حليب.ملعقة خل.ملعقة عصير الحامض.ملعقة خردل.ملح خرقوم.ابزار.ممكن حار.معدنوس مقطع.عطرية الشوارما ادا توفرت عندكوم
نخلط جيدا وندهن الدجاج جيدا وندخل بين الجلد واللحم ونحتافض بيه أطول مدة ممكنة انا خليتو ليلة كاملة من بعد نضع قطع الدجاج في لاطة مفروشة ورق طهي ونصب زيت زيتون من فوق القطع نعاود نغطي بورق الطهي تم ورق الالمنيوم وندخل اطيب في فرن ساخن جدا النار من تحت وفوق مدة45دقيقة من بعد نزول الورق ونخليه اتحمر من فوق
والتقديم حسب الدوق
