دجاج محمر بالدغميرة

دجاج محمر بالدغميرة :

1 دجاجة مكمولة تكون مغسولة مزيان بالماء والخل ومنقية مزيان
2 بصلات محكوكين غلاطين ولا مقطعين صغير

كنشرمل الدجاجة ب(قصبور والمعدنوس ،ثوم،ابزار،خرقوم،سكنجبير،شوية قرفة،القلب د الليمون مخلع ،شويية د الهريسة

كنطحن الربيع مع الثوم وشوية د الماء من بعد كنزيدلا التوابل ونخلطا ماكنعملاشي الزيت غير الماء صافي بيه كنشرمل) ملي كنشرملا كنشدلا رجلا بالخيط خاص بالطبخ اولا الخيط يكون ابيض كنخليها ليلة كاملة في الشرمولة (وممكن تبقى غير شوية )

من بعد كنعملا في الطنجرة وكنعمل فوق منا الماء حتى علاين تتغطى وكنعملا شوية د السمن حار وحد حفينة د البصلة (غير حفينة الي بقى كنعملو حتى نالاخير)

وكنبقاو نتقبو الدجاجة بشي مشوة ونقلبوها ساعة ساعة حتى تطيب ونهزوها من المرق

من بعد نضييفو في المرق دك البصل الي بقى ونصف كاس صغير د الزيت وخليوها تطيب ملي طيب شوية نزيدولا الكبدة د الدجاج مكمولة تكون مغسولة ومنقية مزياان و شوية د الزيتون اخضر مقطع وشوية د الليمون مخلع مقطع صغير ونخليوها وقبييصة دالملح اذا كان الزيتون مالح محتاشي الملح من بعد ملي تتقلى البصل كنقطعو دك الكبدة ونخليو دك الدغميرة تتدغمر حتى يبقى الزيت كيبان.

والدجاجة كندهنوها بالسمن حار شوية ونحمروها في الزيت او ممكن ندخلوها الفران تتحمر في الاخير كنزينوها بالليمون مخلع واللوز مقلي و الهريسة او على حسب الذوق

الطريقة في الصور