حرشة مغربية حجم عائلي لفطور الصباح شهوة منها مغديش تندمو الى جربتوا هاد المقادير جد اقتصادية و بحال ديال المحلبات
مقادير حرشة مغربية :
نصف كيلو سميد رقيق
7غرامات خميرة حلويات
ربع ملعقة صغيرة خميرة خبز حبيبات
ملح
ملعقة كبيرة سكر سنيدة او عسل
نصف كأس شاي زيت
كأسين او كأسين و نصف ماء من الصنبور حسب نوعية السميد
طريقة تحضير حرشة مغربية :
نخلطو النواشف نبسبسو السميد بالزيت نضيفو الماء بالتدريج
نخليو الخليط شوية مرخوف يرتاح خمس دقائق
ندهنو المقلة التقيلة بالزبدة نرشوها بالسميد نحطو الخليط على شكل كرة نكرصوها بالخف على شكل دائري متكون رقيقة بزاف او سميكة نرشو السميد من الفوق . نديرو علامة + بالسكين فالوسط باش متنفخش
النار تكون متوسطة طيب من الجهة الأولى من بعد نقلبوها للجهة الثانيه بمساعدة طاوة او صحن كبير الحجم. ترفق بالزبدة العسل الجبن….. بالصحه والعافيه
