مقادير سفة الكسكس :
تاخدي كسكس الباكية الرقيق ..مثلا كيلو تدهنيه مزياان بنصف كأس زيت و تكبي عليه تقريبا لتر الا ربع ماء و تخليه يشرب الماء و تحليه مزيان بيدك و تحطيه يفور الفورة الأولى
فالفورة الثانية تديري الملح و تزيدي الماء او الحليب حتى يفزك و خليه يشرب و فوريه
الفورة الثالثة نفس الشيء فقط زيدي عليه زبيب مرطب من قبل فالما و ماء الزهر
مني يوجد دهنيه بالزبدة و زيدي له السكر حسب الذوق او سقيه بالحليب المحلى بلاصة السكر
حطيه فصحن و ممكن تستعملي قالب بالشكل الي بغيتي و زينيه باللوز مقلي و القرفة ..و نرافقوه بالعسل الحر اذا وجد ..و بالصحة
