مقادير دجاج محمر :
دجاج منقي مزيان و مغسول بالملح و الحامض
شرمولة دجاج محمر :
ربيع مطحون مع الثوم
توابل : ابزار سكنجبير خرقوم قزبور يابس سمن شوية الهريسة لب نصف حامضة مصيرة شووووووية من قعقلة و بسيبيسة مطحونين
كنخلطو كلشي بشوية الماء و نشرمل بيه الدجاج مزيااان ونربطوه مزيان ممكن نخليه ليلة كاملة فالشرمولة
في طنجرة كنوضع البصل مشلظ و شوية العطرية و نقيلو الدجاج شوية و نضيف الماء و نخلي دجاج يطيب على نار مهيلة
ملي يطيب الدجاج نحيدوه و نضيف الكبدة لي تكون غليتها فالماء من قبل فقط طلع فيها الغالية و نحيدها و نضيف نصف كاس زيت و نقلي مزيااان حتى تنشف تماما من الماء و يبقى غير الزيت
ندهن الدجاج بالزبدة لي نخلطها مع شوية الهريسة و التحميرة و ندخلو يتحمر فالفران
الزيتون نصلقو فالماء باش تحيد منو الملوحة و نزيت بيه طبق دجاج محمر
و بالصحة و الراحة
