تشيز كيك سهل
مقادير
تشيز كيك سهل :
400 غرام جبن الدهن(فيلاديلفيا او اي نوع يشبهله)
1 كأس قل شوية سكر
3 بيضات
1 ياغورت طبيعي
3 معالق كبارين مايزينة
200 مل كريمة سائلة
2 معالق كبارين عصير ليمون 🍋
1 فانيلا
واحد باكيت بسكويت (maria)
شوية د زبدة دائبة
طريقة تحضير تشيز كيك سهل :
كنطحن البسكويت في المولينكس من بعد كنزيد عليه الزبدة المذوبة حتى كيتجمع وكنعملو كقاعدة في قالب التشيز الكيك
كنخلط بالخلاط الكهربائي الجبن مع السكر مزيان كنزيد الياغورت وكنخلط وكنزيد البيضات وكنخلط مزيان من بعد كنزيد الكريمة السائلة والفاني وعصير الليمون والمايزينة وكنخلط مزيان من بعد كنغلف القالب من الاسفل والجوانب بالالمنيوم
وكنعمل الخليط ذالجبن فوسط القالب وكنعمل القالب فسينية فيها الماء (حمام مريم) وكندخلى نالفران على حرارة متوسطة مشعول غير من الاسفل حتى كتطيب من بعد كنشعل من فوق حتى كتحمر وكنخرجى
الطبقة دالفريسة🍓 فيها 4 معالق كبارين د كنفتور د الفريسة🍓4 او 5 معالق كبارين ماء وملعقة صغيرة د مايزينة كنطحن كلشي بالخلاط الكهربائي وكنعملو في كاصرونة فوق النار مع التحريك المستمر حتى يعقد شوية من بعد كنعملو فوق الطبقة دالجبن كتكون بردت شوية وكندخلى نالثلاجة من الاحسن ليلة
