حلويات مالحة مغربية سهلة و سريعة التحضير مع المقادير

 
حلويات مالحة مغربية سهلة و سريعة التحضير مع المقادير

مقادير حلويات مالحة :

5 كيسان دالطحين(550 g)
125 غرام زبدة 🧈 (العبار)
نصف ملعقة صغيرة ملح (او حسب الذوق)
1 ملعقة صغيرة ابزار
1 ملعقة صغيرة سكر
1 ملعقة صغيرة خميرة حلويات
1 ملعقة كبيرة خردل(موطارد) (أو ممكن تعويضه ب 1 ضامة د كنور)
1 ياغورت طبيعي
3 قطع جبن مثلث
نصف كأس زيت (مخلط رومية مع بلدية)

طريقة تحضير حلويات مالحة :

كنخلط الطحين مع الزبدة والملح مزيان من بعد كنزيدو جميع المقادير ونعجنوه مزيان وكنقسمو على 5 او 6 قطع كل قطعة باش كنسمى

القطعة الاولى طلقتها رقيقة شوية فوق الطاولة وقطعتها على شكل دوائر و دهنتى بالبيضة مع قطيرات دالماء ورشيت عليها بذور القرع وحبوب الكتان والحبة السوداء وبذور 🌻 عباد الشمس(pipas)

القطعة الثانية طلقتى رقيقة شويةعليها وذهنتى ب كتشوب مخلط مع الهريسة وروليتى من واحد الجهة ودخلتى الكونجيلاتور واحد الشوية حتى يبست شوية وخرجتى وقطعتى دوائر رقاقين شوية

القطعة الثالثة زدت عليها ملعقة د الخرقوم وعجنتى مزيان وطلقتى وقطعتى مستطيلات ورشيت عليهم شوية دالجبن محكوك

القطعة الرابعة طلقتى ورشيتى مزيان بالزعتر وروليتى من الجهتين بحال البالميي ودخلتى ن المجمد حتى يبست شوية وقطعتى قطع ماغليظة مرقيقة

القطعة الخامسة زدت عليها شوية دالجبن محكوك و خلطتى وطلقتى وقطعتى مربعات صغيورين وذهنتهم بالبيض ورشيت عليهم شوية د الزنجلان

القطعة السادسة زدت عليها الهريسة وخلطتى وزدت شوية دالطحين حيت كتخفاف بالهريسة وطلقتى وقطعتى بالطابع على شكل وريدات وعملت واحد نقيطة فالوسط بالهريسة

كلشي كيطيب في الفرن على حرارة منخفظة 170 درجة ملي كيتحمرو شوية كنخرجوهم

ملاحظة:اذا العجينة بقات ثقيلة ممكن اضافت شوية دالحليب واذا بقات خفيفة ممكن اضافة شوية د الطحين انا خرجولي المقادير هوما هادوك ولكن نوع الطحين كيختلف