سلطة مغربية ساخنة
مقادير و طريقة تحضير سلطة مغربية ساخنة :
اول حاجة كناخد كمية من الفلفل أخضر او فلفلة خضرة غسلتها ونشفتها وفتحتها فتحة صغيرة فالجنب باش ندير فيها الملح باش طيب بنينة
كندير مقلاة على نار متوسطة كندير فيها زيت المائدة ونخليها تسخن من بعد كندير فلفلة اتقلا، من كتحمر كنقلبها،حتى كطيب
في جهة أخرى كناخد كمية من الطماطم كنغسلها ونقشرها ونقطعها مكعبات صغيرة وكنديرها ف مقلاة على نار متوسطة، كنضيف ليها زيت الزيتون، ملح، فلفل أسود، تحميرة او بابريكا، كمون، ثوم، قزبر و بقدونس، هريسة، وكنخليوها تقلا تشحر او تجمر مزيان حتى كتنشف من الماء ديالها وكتولي خاترة ومعلكة وبنينة عاد كنطفي النار
ندوز ل الفلفلة من بعد ما تقلات كنقشرها ونقيها من الزريعة او البذور ديالها ونقطعها بشكل طولي بحال لي فالصور، ونحطو في طبق التقديم مطيشة محمرة في الوسط وندورو بيها الفلفلة ونزينو ب فلفلة حارة مقلية في الوسط وشوية دالمعدنوس،
و بالصحة والراحة كتجي بنينة متشبعوش منها 😋👌
