طريقة عمل القريوش الجزائري بالصور
من مطبخ:
By: bonne maman amel
بالخير مسيتكم وبالورد و الريحان والزهر جيتكم حلوتنا لنهار اليوم قديمة تقليدية جزائرية وكانت مطلوبة بكثرة واليوم جبتهالكم القريوش ولصنعها يلزمنا :
500غ فرينة
125غ مارغرين +ملعقة كبيرة من زبدة التوريق الكل ذايبة
قطرات من عصير الليمون ما يعادل نصف ملعقة صغيرة
قرصة ملح ، فانيلا
خليط ماء وماء زهر لجمع العجينة
طريقة عمل القريوش الجزائري بالصور :
ناخذ قصعة نضع فيها الفرينة ملح،فانيلا ، زبدة ذايبة وباردة
مع قطرات ليمون او خل ابيض و نخلط نبسسها جيدا ثم نغربلها حتى لا تكون عندنا حبيبات في العجينة .
بعدما غربلناها وأصبحت رطبة نضيف خليط ماء وماء الزهر نجمع العجينة فقط لا نعجنها ثم نقطعها إلى كرات متساوية و نتركها ترتاح ساعة كاملة قبل الاستعمال في المطبخ .
بعد مرور الوقت نذرذر المايزينة في مكان العمل نفتح القطعة الأولى نرشها بالمايزينة ونغلق الأطراف ونعيد العملية للمرة الثانية ثم نطويها ونضعها في كيس بلاستيكي ونكمل بنفس العملية كل الحبات المتبقية .
ندخلها في الثلاجة ترتاح ساعة ونصف أو أكثر قد ما ارتاحت
قد ما تساعدنا في التوريق .
الآن ناخذ الآلة الخاصة للتوريق نضعها في رقم 3 نفتح القطعة الأولى بالحلال قليلا كما في الصورة ثم ندخلها في الآلة وسمكها تلاحضونه في الصورة .
نقطع مستطيلات ونضع خطوط ونشكلها ونكمل جميع الحبات الأخرى.
نسخن الزيت ثم نخفض من حدة النار إلى المتوسطة ونقلي
القريوش من الجهتين نضعه في اناء فيه ورق ناشف ليمتص قليلا المادة الدسمة .
نعسل القريوش نصفيه ونرش فوقه جنجلان محمص .
ناخذ صحن التقديم ونضع حبات القريوش نتناولها بقهيوة ولا اتاي نتمنى تجربوها هذه الوصفة وبالصحة والراحة للجميع
