لانشوبة في الفرن
لانشوبة طايبة في الفرن على طريقتي، ساهلة وكتجي شهوة منها بحال إلى مشوية
كندهن طاوة الفران بشوية الزبدة، تم كنقطع بطاطا رقيقة، وزدت عليها ٢ مطيشات محكوكين شوية ملح شوية معدنوس وقليل من زيت الزيتون، تم سرحتها في الطاوة،
بالنسبة للشرمولة، معدنوس، ملح ملعقة خبز محمص، ملعقة فرماج محكوك، قطرات من الحامض، زيت الزيتون ، تم خديت لانشوبا مغسولة و منقية محيد ليها السلسول، سرحتها وعمرتها بالشرمولة غطيتها بوحدة أخرى و حطيتها فوق البطاطا، تم وضعت قطع مطيشة وحامض دوائر من الفوق
ورشيت بقليل من الخبز المحمص من الفوق، ورشة زيت، ودخلتها الفران مسخن على درجة حرارة عالية لمدة 10 دقائق لا غير
بالنسبة للملح كيبقى على حسب الذوق
