السلام عليكم و رحمة الله و بركاته
موقع بسمة لكل ما يهم المرأة المغربية يقدم بقلاوة بالكاوكاو يالخطوات المصورة
البقلاوة بالكاوكاو
من الاخت ام اسامة و ايمان جزاها الله عنا كل خير
في الحقيقة الفضل في هاد الوصفة كيرجع لحبيبة قلبي ليلى أم سارة لأني كنت عوالة نطبق وصفتها بالحرف
لكن عملت تعديلات على الوصفة والحمد الله طلعت تحفة نتمنى تجربوها وتعجبكم
وماننساش ندعي مع حبيبتي ليلى الله يفكها على خير ويرزقها ولادة ساهلة ومولود سليم وكامل الخلقة يارب
مقادير البقلاوة
500 غ كاوكاو أبيض ( الفول السوداني) نقليه على نار مهيلة ومرة مرة نحركو باش يتحمر على خاطرو ويجي مكرمل
نخليه يبرد على خاطرو
ثم نطحنو ونخليه خشين شوية في حجم حبة الكسكس ثم نضيف عليه كاس سكر كلاصي + م ص قرفة + ماء الزهر لي يفزك الحشوة لكن ماشي بزاف خصها تبقى مفرتتة ما تتجمعش
أنا بللتها بماء الزهر مرتين المرة الأولى وخليتها تتشرب على ماوجدت العجينة ورجعت بللتها مرة تانية
مقادير وطريقة عجين بقلاوة:
700 غ دقيق الحلويات + ثلث كأس كبير زبدة ذايبة + نصف كأس ماء الزهر + 1 فاني + ماء بارد لي يجمع العجينة
نجمع العجينة وندلكها مزياااااان تبقى شوية قاصحة نغطيها ونخليها ترتاح ربع ساعة تقريبا عاد نقطعها كويرات
ونخليهم يرتحو نصف ساعة أخرى
نرش مكان العمل بالنشا ونبدا نطلق العجينة ملي نكمل كل الكورات نبدا نطلقها فالماكينة نبدا من الرقم 5 ثم 3 ثم 1 لي هو أكثر رقم رقيق لكن كاين ماكينات لي فيهم الأرقام بالعكس
كل ورقة تكون مرشوشة مزيان بالنشا وبعد ما نطلقها نزلها فوق الطابلة ونرش النشا مرة اخرى ونطويها على 2 بحال كنفرشها فوق بعضها
ونبقا نزل كل الورقات كيف باين فالصور حتى نكملهم كاملين
ناخد المدلك ونرجع نطلق بيه العجينة حسب قياس الصينية لي عندي وردو البال خصنا نفرشو ونغطيو يعني قياس الصينية في 2
كنفرش العجينة فصينية مدهونة مزيااااااااااااااان بالزبدة ذايبة انا عملت سولفيريزي وعاد الزبدة ونفرش الحشوة ونغطيها بالعجين
نقطعها حسب الأحجام لي بغيت وندهن مزيااااااااااااان بالزبدة ذايبة ونقطع وريدات من نفس العجينة ونثبتهم فوسها بحبة كاوكاو ونرجع نذهن الوريدات وندخلها لفرن مسخن من قبل على 160 درجة ونراقبها حتى تتحمر
كيف تخرج من الفران نكون موجدة عسل مخفف بماء الزهر وبارد ونسقيها بيه مزيااان ونردها للفران ونخليها تبرد فيه
وهاهي وصفتنا جاهزة أسهل منها ماكاين
