السلام عليكم و رحمة الله و بركاته
موقع بسمة لكل ما يهم المرأة المغربية يقدم ميني بيتزا بشكل مختلف بالصور
ميني بيتزا بشكل مختلف بالصور
من الاخت نجاة من تادلة جزاها الله عنا كل خير
مقادير عجين ميني بيتزا بشكل مختلف بالصور
400 دقيق
2 معالق كبار نشا
نصف كأس صغير زيت
خميرة معجونة
معلقة كبيرة سكر
بيضة
شوية الملح
ماء دافي
مقادير حشوة ميني بيتزا بشكل مختلف بالصور
صلصة الطماطم
2 علبات صغار طون
زيتون أخضر مقطع
فرماج محكوك
دنجال مقطع مربعات ومقلين
فلفلة مقطعة مربعات و مقلية
لتزيين ميني بيتزا بشكل مختلف بالصور
حبات زيتون أخضر أو أسود
فرماج محكوك
طريقة تحضير ميني بيتزا بشكل مختلف بالصور
تندوب الخميرة في شوية الماء مع السكر وتنضيف لهم باقي المقادير
مع اضافة الماء حتى نحصل على عجينة لينة و نخليها تخمر
لتحضير صلصة الطماطم
نأخذ مطيشة محكوكة نضيف لها معلقة كبيرة طماطم مركزة و شوية الزيت
و ثوم و ملح و ابزار و نخليها على نار مهيلة حتى تعقاد و نحك عليها شوية الزعتر
بعد ما خمرت العجينة قسمتها الى كرات صغار تنبسط كرة العجينة
تنوضع عليها شوية من صلصة الطماطم ثم الطون مصفي و الزيتون و الفلفلة و الدنجال
هاد المرة ما عملتهومش ما كانوش عندي جاتني الحشوة قليلة
كما يمكن لنا نضيفو أي حاجة تتعجبنا في البيتزا ثم الفرماج محكوك و نجمع العجين على الحشوة
تنقلبها على وجهها تنثقبها بعود 5 أو 6 ثقبات و تندهنها بصلصة الطماطم و تنتك و سطها زيتونة
و تنعمل عليها الفرماج محكوك من الفوق حتى نكمل كل العجين لي عندي و تندخلهم الفران يطيبو
هنا بعد ماطبو تيجيو هشاش بزاف
