السلام عليكم و رحمة الله و بركاته
موقع بسمة لكل ما يهم المرأة العربية يقدم سلطة على شكل طارت بالخطوات المصورة
سلطة على شكل طارت بالخطوات المصورة
مقادير السلطة
رابعة روز مسلوق ،خضر مسلوقة (جزر ،بطاطا ،جلبانة )،مايونيز ،ملح ،إبزار عصير حامض ،ذرة ،خيار ،فرماج السندويش ،مطيشة ،باربا ،خس ،زيتون أسود
حك طون
كنخلطو الخضر المسلوقة مع الروز و الطون و الدرة و كنضيفو ليهم المايونيز و كنخلطو مزيان و كندوقو الخليط ديالنا واش خاصو شي ملح أو عصير الحامض باش إيجي بنين ثم كناخدو طبق التقديم و كنفرشوه بالخس و كنعملو الخليط يالنا في شي مول مناسب لطبق التقديم و كنقلبوه في الطبق و كندهنو ليه وجهو بكوش خفيفة من المايونيز و كنتبتو على الجناب دوائر الخيار مقطع رقيق بزاف و كنزينو الوجه بقطع الباربا لي قطعناها بمقطع الحلوى ثم كناخدو فرماج السندويش كنقطعوه على 4 وكنشكلوه كيف غتشوفو في الصور وكنعمروها بحبات الذرة ونزينو بها الجناب وفوق الخس كنملو زويتينات وقطع المطيشة وكنحتافظو بقشرة المطيشة وكنعملو بها وريدات وكنزينو بأوراق المعدنوس .
وها السلطة واجدة منيضر ومذاق وساهلة تحمر ليكم الوجة قدام ضيافكم وحتى رجالكم بالصحة والراحة
