حلوة لاكريم سهلة و رخيصة ديال الباتيسري
حلوة لاكريم بمذاق الفريز كتجي لذيذة بزاف سهلة ديال المبتدئات واقتصادية ديال الدراوش
مقادير الجينواز :
4 بيضات
كاس غير مملوء سكر
كاس ونصف دقيق أبيض
كيس فانيليا
ملعقة صغيرة خميرة الحلويات
رشة ملح
طريقة تحضير الجينواز :
نطرب البيض مع السكر و الملح و الفانيليا بالطراب الكهربائي حتى يتضاعف حجمه ثلاث مرات كما في الصورة اعلاه ثم نزيل الطراب الكهربائي و نستخدم الطراب اليدوي و نضيف الدقيق و الخميرة مغربلين بشوية بشوية و حنا كنحركو من الاسفل للاعلى بشكل دائري
ثم نصب الخليط في طاوة فرن مفروشة بورق الزبدة و ندخل الجينواز للفرن مشعول من لفوق و لتحت تنشف فقط و نخرجوها منخليوهاش تتحمر بزاف باش متقصاحش و ضروري منسقيوها مزيااان اما بالحليب او السيرو او لي بغيتو
بالنسبة لكريمة حلوة لاكريم :
500 مل كريمة سائلة 3ملاعق كبيرة سكر نصف كاس فريز مطحون بدون ماء و نكهة الفريز
كنطربو الكريمة مع السكر طبعا الى كانت الكريمة بدون سكر حتى كطلع كنقصو منها شوية للتزيين و الباقي كنضيف ليه الفريز مطحون و نكهة الفزير و نخلط حتى تتجانس كل المكونات
صوص الفريز لتزيين حلوة لاكريم:
كاس مملوء فريز ،نصف كاس سكر،ربع كاس ماء،ملعقة كبيرة عصير الحامض،ملعقة كبيرة نشا الذرة،رأس ملعقة نكهة الفريز
كنطحنو كلشي في الخلاط الكهربائي و نوضعوه فوق النار حتا يعقاد نصفيوه و نخليوه حتى يبرد مزياااااان ضروري ما يبرد مزيان عادي نزوقو بيه حلوة لاكريم من الفوق و تزيين الجوانب بالفوتين ممكن استعمال اللوز او كاوكاو حسب الرغبة
و بالصحة و الراحة الطريقة كلها موظحة في الصور اعلاه
وصفة روعة