وجدتو شي قريشلات عاشوراء او عكزانين مع هاد الحرارة الغير طبيعية☀️🌡🔥المهم ……الي فيه شي بلية 👩🍳راه مكيتهناش غير انا جيت نالحل الوسط عجنتهوم وطيبتهوم بالليل كيكون الحال شويا بارد وصورتهوم بالنهار
المقادير:
*125 غ زبدة بحرارة المطبخ(يفضل نوعية جيدة،انا ديما كنتفادى المركرين)
*تلات بيضات،
*كاس وربع سكر،
*كاس زيت،
*كاس ماء،
*زوج ساشي سكر بنكهة زهرة البرتقال(ان توفر روح ماء الزهر يكون افضل)،
*واحد ساشي خميرة ااحلويات7غ،
*كاس الا ربع زنجلان محمص،
*تلات معالق نافع حبوب محمر شويا او مطحون(انا استعملت المطحون)،
*قبصة ملح،الدقيق حسب الخليط ميكونش قاسح يكون رطب ومرخوف من كيلو الى كيلو و100غ نوعية جيدة
نعجنو العناصر مع بعضها ونتركو العجين يرتاح ربع ساعة ونبدأ بتشكيل حرابل رقيقة،نفرشو طاوة الفرن بورق الزبدة او ندهن بالزيت ونقطعو بالمقص الحرابل بشكل مائل للحصول على شكل مرتب وجميل،نرتبها فوق الطاوة ونضغطو شويا براحة اليد عليهم باش ميتكورش الشكل ديالهم ملي كينتفخو وندخلوهم فرن سااااخن على180الموقد من اعلى واسفل حتى يتذهب لونهم،كيجيو مقرمشين وهشااااش والبنة يا سلام👍👌تنمنى تجربوهم مقاديرهم مضبوطة وبسيطة غير خصهم شويا دالصبر☺😘
