السلام عليكم ورحمة الله و بركاته
موقع بسمة لكل ما يهم المرأة المغربية يقدم مملحات رمضانية : كيش بالدجاج و الكلمار
مقادير و طريقة تحضير مملحات رمضانية : كيش بالدجاج و الكلمار
من الاخت ام اسامة و ايمان جزاها الله عنا كل خير
صباحكم طيب حبيباتي نتمنى تكونو على خير
وصفتي ليوم ساهلة وبسيطة ممكن تعملو كيش صغير للمناسبات أو كيش كبير للوليدات
نتمنى وصفتي تعجبكم وتكون إضافة جديدة لوصفاتكم المعتمدة
مقادير مملحات رمضانية : كيش بالدجاج و الكلمار
مقادير العجين : 300 غ دقيق الفورص + 150 غ زبدة خاصة بالتوراق وهدا هو السر باش كتجي العجينة هشيشة ومقرمشة وكتجي بحال إلا ورقناها + 1 بيضة + شوية ملح + شوية إبزار + رشيشة د الكوزة + من 2 ل 3 م ك ماء
طريقة تحضير مملحات رمضانية : كيش بالدجاج و الكلمار
نرمل الزبدة مع الدقيق + مزيان ونضيف عليهم البيضة والما حتى تجمع
مقادير حشوة المملحات : هبرة الدجاج مقطعة طريفات صغار + كلمار أو سيبيا مقطعين طريفات صغار + 5ضريسات ثوم + بصلة متوسطة مقطعة رقيقة + نصف م ص سكنجبير + نصف م ص إبزار + ملح حسب الذوق
ربع كاس زيت
طريقة تحضير حشوة المملحات الرمضانية : نشحر سيبيا فالزيت حتى تطيب ونضيف البصلة والثومة حتى يدبالو ونضيف التوابل والدجاج ونخليهم يطيبو
البيشاميل : نصف ليتر حليب + 2 م ك زبدة + 2 م ك دقيق + طريف من ضامة البنة + شوية سكنجبير + شوية إبزار + ملح حسب الذوق + شوية الكوزة
نحضرو بالطريقة المعتادة ونضيفو على الحشوة ونخليها تبرد
نطلق العجينة ونلبسها للمول ونعمل وسطها الحشوة ونزين بوريدات من نفس العجينة مطلوقة رقيقة ونرش عليها زريعة الخشخاش وندخلها للفران حتى تتحمر
بعد ماخرج من الفرن
وصفة المملحات الرمضانية جاهزة بالصحة والراحة
